VOLGORDE

March 13, 2013 Eerst was der zitten
en toun was der stoul.
Ien dij volgorde van toal.
Zo simpel as wat.

Je konnen van veuroverbukken
n bloudneus kriegen,
genain wis hou dat kwam.

Vraauw Kelder kon zomor ienainen
achter heur teunbaank
staail achterover oet t leven valen,
en genain wis woarom dat was.

As je winkeldeur op bel zetten
kwam ze weer bie.
Zo simpel as wat.
Ien dij volgorde.